WANAFUNZI 468:030 KUFANYA MTIHANI WA KUHITIMU ELIMU YA MSINGI MWAKA HUU.

Zaidi ya wanafunzi laki nane sitini na nane elfu na thelathini wanatarajia kufanya mitihani ya kuhitimu elimu ya msingi nchini kati yao wavulana laki nne kumi na mbili elfu mia moja na tano na wasichana ni laki nne hamsini na tano elfu mia tisa na ishirini na tano

Akizungumza jijini Dar es salaam naibu waziri wa elimu na mafunzo ya ufundi Mh.Philipo Mulugo amesema mitihani hiyo itafanyika tarehe 11 na 12 mwezi huu.

Mulugo amebainisha kuwa wanafunzi 844,810 wanatarajia kufanya mihihani hiyo kwa lugha ya kiswahili, 22,535 wanatarajia kufanya kwa lugha ya kiingereza,na wanafunzi 88 wasioona pamoja na watahiniwa wenye uono hafifu 597 watafanya mitihani hiyo.

Aidha ameongeza kwa kusema kuwa amebaini udanganyifu wa mitihani umepungua kwa zaidi ya asilimia 90 kwa kipindi cha mwaka jana.

Hata hivyo ametoa wito kwa walimu,wanafunzi na wasimamizi wa mitihani hiyo kujiepusha na vitendo vya udanganyifu kwani serikali itawachukulia hatua kali za kisheria wote watakaobainika kukiuka taratibu za mitihani huo na kwenda kinyume na matakwa yaliyo wekwa.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.