ZAIDI YA WATOTO 550 WAWEKA SILAHA CHINI HUKO DRC KONGO.

Ofisi ya Kuratibu Misaada ya Kibinadamu ya Umoja wa Mataifa (OCHA) imetangaza kuwa, kati ya Machi hadi Agosti mwaka huu zaidi ya watoto 550 wameachiliwa huru na makundi yenye silaha kwenye mkoa wa Katanga huko kusini mashariki mwa Jamhuri ya Kidemokrasia ya Kongo.

OCHA imeeleza kuwa, mapambano ya kuzuia kuwaingiza watoto jeshini na kuwaondoa katika makundi yanayobeba silaha yamefanikiwa ambapo watoto zaidi ya 550 wameweka silaha zao chini katika maeneo ya kusini mashariki mwa Kongo.

Duru za habari kutoka Kinshasa zimeripoti kuwa, vituo vya hifadhi ya muda vya Lubumbashi, Kalemi na Manunu vinawahifadhi watoto 444 huku 133 tayari wamekwishaungana na familia zao.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.