Messi akanusha madai ya kuihama Barcelona

Lionel Messi

Mchezaji mashuhuri, Lionel Messi anasema bado ataendelea kuwepo katika klabu ya Barcelona baada ya kukanusha uvumi kwamba yuko njiani kuondoka Barceola.

Messi ambaye ni mshambuliaji wa Barcelona anasisitiza kwamba hataki kuondoka Barcelona na kusisitiza kuwa madai ya kutaka kocha Luis Enrique, afukuzwe kazi si ya kweli. Taarifa za awali zilisema mchezaji huyo mwenye umri wa miaka 27 alitaka sana kuondoka katika klabu hio kufuatia tofauti yake na kocha Enrique.

Messi, amekuwa akicheza Nou Camp, kwa miaka mingi huku akishinda mataji mengi. Awali rais wa Barcelona, Josep Maria Bartomeu, alionekana kuzima uvumi huo baada ya bosi huyo kusema Muargentina huyo ana furaha kubwa klabuni hapo na atabakia hapo hadi mwisho wa mkataba wake mwaka 2018.

Wakati huohuo, kocha Enrique amekana kuwekwa kitimoto na Bodi ya Wakurugenzi na amesisitiza kwamba hana matatizo yoyote na Messi wala na mchezaji mwingine yeyote.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.