Wanafunzi walioandamana kudai uwanja wao wa michezo wapigwa mabomu ya machozi na wengine kujeruhiwa kenya

Wanafunzi kadhaa wamejeruhiwa nchini Kenya baada ya jeshi la polisi nchini humo kutumia mbwa na mabomu ya kutoa machozi kwa minajili ya kuwatawanya wanafunzi wa shule ya msingi ya Lang'ata iliyoko jijini Nairobi, walioandamana kupinga kitendo cha kunyang'anywa uwanja wao wa michezo uliouzwa kwa mwekezaji binafsi.

Taarifa zinasema kuwa, wanafunzi hao wenye hasira na wengineo wakionekana kubeba fimbo na marungu, waliangusha ukuta na uzio mpya uliojengwa kutenganisha shule yao na uwanja huo. Taarifa hiyo imeeleza kuwa, machafuko hayo yametokea baada ya wanafunzi kurejea shuleni kufuatia kumalizika mgomo wa wiki mbili wa waalimu wa shule za umma na kukuta kiwanja chao cha michezo kimezungushiwa uzio.

Mbunge Kenneth Okoth amesema kuwa, makumi ya wanafunzi wamejeruhiwa na kulazwa hospitalini, kutokana na askari polisi kutumia nguvu kupita kiasi na mabomu ya kutoa machozi dhidi ya wanafunzi hao. Naye Raila Odinga kiongozi wa mrengo wa CORD amekosoa vikali utumiaji wa nguvu kupita kiasi uliofanywa na jeshi la polisi dhidi ya wanafunzi. Taarifa zinaeleza kuwa, baadhi ya wanaharakati wametiwa mbaroni kwa kuwashawishi wanafunzi kufanya vurugu hizo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.