Chama cha walimu Tanzania mkoani mara kimepinga agizo la mkuu wa mkoa la kuwataka kubadili ratiba za masomo.

Chama cha walimu Tanzania CWT mkoa wa mara wamepinga agizo la mkuu wa mkoa huo ambalo liliwataka maafisa elimu wa wilaya zote na kubadili ratiba za masomo na kuweka utaratibu utakawezesha wanafunzi kusoma kuanzia saa moja na nusu hadi saa kumi na nusu jioni badala utaratibu awali wa muda wa masomo kunza saa moja na nusu hadi saa nane mchana.

Akizungumza katika mkutano mkuu wa uchaguzi wa viongozi wa CWT mkoa wa mara,mwenyekiti wa chama hicho mkoa Bw. Livingstone Gamba,amesema agizo hilo la mkuu wa mkoa kamwe haliwezi kutatekelezwa kwa vile linalenga kuvuruga ratiba za vipindi vya masomo hasa wakati wa mchana wakati walimu watapolazimika kwenda nyumbani kutafuta chakula cha mchana.

Hata hivyo mwenyekiti huyo wa CWT mkoa wa mara,amesema endapo serikali kupitia kwa mkuu wa mkoa itataka agizo hilo litekelezwe lazima wadau wote washirikishwe na kufanya maandalizi ya kuwalipa posho za chakula kwa walimu ikiwa ni pamoja malipo ya muda wa ziada.

Hivi karibuni mkuu wa mkoa wa mara Kapt.Mstaafu Aseri Msangi,ametaka kufanyika kwa mabadiliko hayo ya muda wa masomo kwa lengo la kuinua taalum,kuwapa watoto muda wa mapumziko na kufufua michezo mashuleni.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.