Kituo cha kuchakata Gesi cha madimba kilichopo wilaya ya Mtwara vijijini Mkoani Mtwara kimekamilika kwa asilimia 97.

Kituo cha kuchakata Gesi cha madimba kilichopo wilaya ya Mtwara vijijini Mkoani Mtwara kimekamilika kwa asilimia 97, baada ya miezi miwili kitazalisha umeme wa MEGA WATS 350 kwa kuanzia, ambao utaongezwa kwenye Gredi ya taifa ambayo kwa sasa ina MEGAWAT 1300.

Kauli hiyo imekuja baada ya mkurugenzi mkuu wa shirika la maendeleo ya Petroli nchini TPDC James Mataragio na timu yake kutembelea kituo hicho na kujionea sehemu kubwa ya mradi huo ukiwa umekamilika, huku akisisitiza gesi hiyo itasafirishwa katika kituo cha kinyerezi na ubungo.

Amesema kituo cha Kinyerezi kinatarajiwa kufua umeme wa MEGAWATT 156 kwa kuanzia wakati kituo cha ubungo kinatarajiwa kufua umeme wa MEGAWATT 200 ambao utaongezwa kwenye Gridi ya taifa yenye umeme wa MEGA WAT 1300 kwa sasa.

Akizungumzia ulinzi wa bomba la Gesi linalokwenda Dar es Salaam ambalo limekamilika kwa asilimia 100 Mataragio amesema TPDC tayari imetoa elimu ya kutosha kwa wananchi wanaopitiwa na bomba hilo kuwa walinzi sambamba na kuvitumia vyombo vya ulinzi na usalama kuhakikisha bomba hilo linakuwa salama wakati wote.

Mradi huo ulianza mwaka 2013 umegharimu dola za kimarekani bilioni 1.2, kwa sasa utaendeshwa na wataalamu wa kigeni kwa kushirikiana na watanzania wachache waliopata mafunzo kutoka china na baada ya mwaka mmoja utasimamiwa na watanzania,na utatoa ajira kwa wananchi wenye elimu ya kawaida.

Kituo hicho kimejengwa na mataifa matano, wataalamu toka china, marekani, South Afrika, Austrelia, na Uingereza.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.