News Alert:Katika kukabiliana na kukomesha wimbi la mauaji ya watu wenye ulemavu wa ngozi (ALBINISM) Serikali kutoa elimu kwa taasisi na viongozi wa dini.

Serikali imesema itaendelea kutoa elimu kwa kushirikiana na taasisi za sekta nyingine ikiwemo viongozi wa dini katika kuhakikisha mauaji na ukatwaji wa viungo vya Albino vinatokomezwa nchini.

Kauli hiyo imetolewa na Naibu waziri wa afya na ustawi wa jamii Mh Kebwe Stephen Kebwe katika Mkutano wa 20 na wa Mwisho wa Bunge la 10 la Tanzaniabungeni mjini Dodoma alipokuwa akijibu swali la msingi la Mh.Matha Umbula aliyetaka kufahamu jitihada zinazofanywa na serikali kukomesha mauaji ya watu wenye ulemavu.

Mh. Kebwe amesema ugonjwa wa Albinism ni ugonjwa ambao binadamu anazaliwa nao hivyo ni vyema jamii ikawachukulia walemavu hao kama binadamu wengine kwa kuwathamini kuwajali na kuwalinda ili kuweka uwiano uliosawa ili nao wasijihisi kuwa tofauti na wengine hali inayoweka taswira kama ya kumnyanyapaliwa.

Hata hivyo wakati akiuliza swali la nyongeza Mh. Umbula amesema jitihada za sasa zinazofanywa na serikali hazitoshi huku akishauri jitihada zilizofanywa katika kukabiliana na ugonjwa wa ukimwi zifanyike kupambana na mauaji ya watu wenye ulemavu wa ngozi (Albinism) ambayo yamekuwa yakiogofya siku za hivi karibuni nchini na hata kuhusishwa na imani mbali mbali potofu.

Aidha akiwasilisha bungeni mapitio na mwelekeo wa kazi za serikali na makadirio ya matumizi ya fedha ya ofisi ya waziri mkuu na ofisi ya bunge kwa mwaka wa fedha 2015/20h16 waziri mkuu Mh. Mizengo Kayanza Peter Pinda katika hotuba yake ameitaka jamii kuondokana na dhana potofu ya kuamini kuwa viungo vya albino vinasababisha mtu kuwa tajiri na badala yake amewataka watanzania kufanyakazi kwa bidii ili kuliongezea pato taifa.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.