News Alert:Mwendesha Bodaboda Almanusura kupoteza maisha Tabata Jijini Dar es Salaam.

Mwana mume mmoja mwendesha Bodaboda amenusurika kifo hivi leo wakati alipokuwa akijaribu kupita kati kati ya magari mawili likiwemo Coaster inayofanya Safari zake Makumbusho Bunju yenye namba za usajili T402 BOBS na gari nyingine ya mtu Binafsi T969 BNX katika Barabara ya mandela Tabata jijini Dar es Salaam.

Kwa mujibu wa mashuhuda wanadai kuwa mwendesha Bodaboda ameonekana kutaka kuwahi hivyo kujipenyeza katikati ya magari hayo hali ambayo imekuwa tofauti na kujikuta akitaka kuyaweka maisha yake rehani kwa kile wanachoamini kuwa ajali hizi hutokea kutokana na ukiukwaji wa sheria za usalama Barabarani na kuto tii sheria bila shruti kama kitengo cha usalama Barabarani ambavyo wamekuwa wakisisitiza mara kwa mara,Magari mawili hayo yakionekana kuharibika.

Licha ya kutokuwa na mtu yeyote kupoteza maisha lakini mwendesha Bodaboda huyo ameonekana kuwa na majeraha mbali mbali katika sehemu za viunga vya mwili wake,ambapo ajali hiyo imesababisha foleni kwa muda mrefu kidogo.

Tambarare Halisi imeshuhudia askari wa kikosi cha usalama Barabarani akiendelea na majukumu yake na hivyo kuamua kuyaweka pembezonui mwa Barabara magari hayo pamoja na Bodaboda hiyo kwa lengo la kuepusha msongamano wa foleni uliokuwepo hapo.

Tukio hili linatokea baada ya Jeshi la Polisi kitengo cha usalama Barabarani kuzindua kampeni ya kutokomeza wimbi la ajali za barabarani ambalo limekuwa likisababisha vifo vya mamia ya watu na maelfu kujeruhiwa,na kuwataka wananchi kutoa taarifa kwa vyombo vya usalama pindi wanapoona kanuni na sheria za barabarani zinakiukwa na madereva wazembe.

Mkuu wa kikosi cha usalama barabarani Mohamed Mpinga wakati wa uzinduzi wa kampeni mpya ya kuhamasisha usalama barabarani ijulikanayo zuia ajali sasa,toa taarifa mapema ambayo imeshirikisha kituo cha ITV na Radio One na kushirikiana na Vodacom pamoja na jeshi hilo amesema matukio ya ajali yatapungua endapo madereva wote watazingatia kanuni na sheria za usalama barabarani.

Akizungumza katika uzinduzi huo uliofanyika kituo kikuu cha mabasi Ubungo jijini Dar es Salaam mkurugenzi wa Radio One Sterio Deogratius Rweyunga amesema lengo la kituo cha ITV na Radio One ni kuhakikisha madereva hasa wanaobeba abiria na kwenda masafa marefu wanakuwa makini wawapo barabarani na kutii sheria ili kunusuru maisha ya watu na kutaja namba za kutoa taarifa za mienendo mibaya ya madereva ambayo ni 0800757575.

Baadhi ya madereva wa mabasi ya mikoani walieleza sababu kadhaa zinazochangia ajali za barabarani ikiwemo ubovu wa miundombinu pamoja na abiria wenyewe ambao wamekuwa wakiwachochea kuongeza mwendo kwa madai ya kucheleweshwa wanakokwenda huku wakitishia kuhama kampuni ya basi husika kutokana na dereva kwenda mwendo mdogo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.