News Alert:Serikali yatakiwa kuongeza nguvu ili kukomesha mauaji ya Albino.

Serikali imetakiwa kuhakisha kuwa inaongeza nguvu katika kuhakisha kuwa mauaji ya watu wenye ulemavu wa ngozi yanakomeshwa kwani tatizo hilo limekuwepo kwa muda mrefu lakini ufumbuzi wake umebaki kuwa kitendawili na hivyo kuwa ni aibu na fedheha kubwa kwa taifa.

Hayo yamesemwa katika hotuba ya msemaji wa kambi ya upinzani Bungeni wa wizara ya maendeleo ya jamii jinsia na watoto Mh. Salum Khalfan Barwany iliyosomwa na Mh. Esther matiku ambapo amesema sasa suala la mauji ya alibino limekuwa tishio kubwa.

Kwa upande wa kamati ya kudumu ya maaendeleo ya jamii imesema kuwa sababu kubwa ya mambo mengi kushindwa kwenda kama inavyotakiwa ni serikli kutenga fedha katika wizara zake hasa ya maendeleo ya jamii na kutokuzikupeleka na hata ikipeleka haipeleki kwa wakati.

Awali katika kikao hicho Mh.Sophia Simba waziri wa wizara ya maendeleo ya jamii jinsi na watoto na Mh. Gaudentia Kabaka waziri wa kazi na ajira waliwasilisha bajetia za wizara zao ambapo kila mtu alijinadi ni kwa namna gani atakavyotumia fedha hizo.

Wakichangia bajeti hizo baadhi ya wabunge wamesema bado tatizo la ajira ni kubwa nchini ukilinganisha na ahadi zinazotolewa za ajira na baadhi yao wakitaka vyuo vya maendeleo ya jamii vitumike ipasavyo ili kusaidia kupatikana kwa wataalamu.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.