News Alert:Watu wawili wamefariki dunia na wengine 11 kujeruhiwa vibaya baada ya basi dogo walilokuwa wakitumia kusafirisha maiti kugongana na basi kubwa la abiria katika eneo la Kihonda.

Watu wawili wamefariki dunia na wengine 11 kujeruhiwa vibaya baada ya basi dogo walilokuwa wakitumia kusafirisha maiti kugongana na basi kubwa la abiria katika eneo la Kihonda mizani katika barabara kuu ya Morogoro- Dodoma.

Kamanda wa Polisi mkoa wa Morogoro ,Leonard Paul amesema ajali hiyo imetokea Mei 6 mwaka huu majira ya saa 9.15, usiku,katika eneo la Kihonda manispaa ya Morogoro,ambapo basi la kampuni ya Mvula lililokuwa likitokea mkoani Kigoma kwenda jijini Dar es salaam likiendeshwa na Ramadhan Bakari kugongana na basi dogo aina ya Toyota Costa likiendeshwa na Hassan Akilima ambayo ilikuwa imebeba mwili wa marehemu aliyefia nchini China na wanafamilia wakielekea mkoani Kagera.

Amewataja waliokufa katika ajali hiyo kuwa ni Othuman Dabaga (43) mkazi wa mwananyama jijini Dar es salaam na Hamida Said (43) mkazi wa Dar es-salaam.

Aidha waliojeruhiwa katika ajali hiyo wametambuliwa kuwa ni Hassan Akilimali ambaye ni dereva wa basi dogo, Lulu Simon,Ruth Antony,Kulwa Mponda,Abdi Mariki,Johari John,Haiba Suleiman,Tatu hamis,Sophia Suleiman,watoto Aisha Hamis mwenye umri wa miaka minne na Abdumury Suleiman wa miaka mitatu,wote wakazi wa jijini Dar es salaam.

Kamanda Paulo amesema polisi wanamshikilia Dereva wa basi la Mvula,Ramadhan Bakar kwa kusababisha ajali hiyo na kwamba anatarajiwa kufikishwa mahakamani mara baada ya upelelezi kukakamilika

Taaarifa zilizotolewa na abiria waliokuwa walionusurika na waliokuwa kwenye gari ndogo iliyokuwa ikisafirisha maiti wamedai changamoto ya safari ilianza baada ya kifo cha ndugu yao,pale familia ya marehemu na mke wa marehemu walipokuwa kwenye ubishani wa wapi marehemu azikwe,hali iliyowafanya upande mmoja kukimbilia mahakamani na kufungua shauri lililodumu takribani wiki moja kabla ya maamuzi.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.