Ucheleweshwaji wa ujenzi Hosipitali ya Wilaya ya Longido ni sababu inayochangia wananchi wa kipato cha chini kupoteza maisha.

Kuchelewa kwa ujenzi wa Hosipitali ya Wilaya ya Longido Mkoani Arusha kumesababisha asilimia kubwa ya wananchi wa kipato cha chini kupoteza maisha na wengine kuendelea kutumia tiba za jadi, kutibu magonjwa yanayohitaji madaktari bingwa kutokana na kushindwa kumudu gharama za kuwafikisha katika hosipitali za wilaya za jirani na ya Mkoa wa Arusha ya Mount Meru.

Wakizungumza na viongozi wa Jumuiya ya Wazazi Mkoa wa Arusha waliotembelea wilaya hiyo, wananchi hao na baadhi ya watendaji wa sekta ya afya wamesema, licha ya kupewa ahadi za ufumbuzi wa matatizo yao hakuna utekelezaji na wameilaumu jumuiya hiyo kwa kushindwa kusimamia maadili ya viongozi na watendaji ambao asilimia kubwa hawatimizi wajibu wao.

Wakizungumza baada ya kutembelea Kituo cha Afya cha Longido na kujionea hali halisi, baadhi ya viongozi wa jumuiya hiyo wamewaomba wananchi kuendelea kutoa ushirikiano wa kuwadhibiti viongozi na watendaji wasiofuata maadili, kwani ndiyo njia pekee ya kukomesha tatizo hilo na inawezekana.

Wilaya ya Longido ilianzishwa mwaka 2007, baada kugawanywa Wilaya ya Monduli, lengo likiwa ni kusogeza huduma muhimu ikiwemo ya afya karibu na wananchi, lengo ambalo kwa asilimia kubwa bado halijafikiwa.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.