Jeshi la Polisi linawashikilia viongozi wanne wa serikali kwa uvunaji haramu wa misitu ya asili.

Viongozi wanne wa serikali kuanzia ngazi za vijiji na kata wilayani kilindi wametiwa mbaroni na jeshi la polisi baada ya kubainika kuhusika na uvunaji haramu wa misitu ya asili kisha kusafirisha magogo na mbao kwenda ndani na nje ya nchi.

Akizungumza ofisini kwake baada ya sakata hilo,mkuu wa wilaya ya kilindi Bwana Selemani Liwowa amesema viongozi hao ni kutoka kata za kimbe na mkindi pamoja na watendaji wao ambao kwa pamoja wamekuwa wakishirikiana na wafanyabiashara kutoka ndani na nje ya nchi kisha kuhujumu hifadhi za misitu iliyopo katika kata zao.

Hata hivyo baadhi ya wafanyabaishara wenye leseni halali waliokuwa wakivuna misitu ya mashamba ya watu binafsi wamelalamikia kuwa kitendo walichofanya cha kukaatwa na kuwekwa mahabusu ni cha udhalilishaji kwa sababu wameingia mikataba na serikali za vijiji ili waweze kuvuna misitu ya asili iliyopo katika mashamba ya watu binafsi kwa ajili ya kutengeneza madawati na zahanati ikiwa ni sehemu ya utekelezaji wa sera ya taifa ya kusaidia shughuli za maendeleo.

kufuatia hatua hiyo wadau wa biashara za mbao waliopewa leseni na wakala wa misitu na nyuki kanda ya kaskazini wamelalamikia kitendo cha wao kukamatwa na kuwekwa mahabusu kisha kudaiwa kuwa wanaleseni za kughushi hatua abayo wameahidi kulifikisha katika vyombo vya sheria kupitia wakili wao ili waweze kudai fidia walizolipa kwa serikali zaidi ya shilingi milioni 100.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.