Chama cha Mapinduzi CCM kimesema hakina matatizo na midahalo kwa wagombea urais na wabunge.

Chama cha Mapinduzi CCM kimesema hakina matatizo na midahalo kwa wagombea urais na wabunge kupitia tiketi ya chama hicho na kwamba hakijaizuia midalahalo hiyo kama ilivyoripotiwa na vyombo vyombo vya habari.

Katibu Mkuu wake Bwana ABDULRHAMAN KINANA amesema chama hicho hakijazuia wagombea wa nafasi mbalimbali za uongozi kwenye uchaguzi mkuu mwaka huu kushiriki kwenye midahalo mbalimbali kwa lengo la wananchi kuwasikiliza wagombea na kuwapima.

Kauli yake inakuja siku moja baada ya chama kutoa tamko la kuzuia midahalo kwa wagombe wake ambao wataalikwa kwenye midahalo inayoandaliwa katika kipindi hiki cha kuelekea uchaguzi mkuu ambapo wagombea wanapita kwa wananchi kuomba kuwadhaimini kwa nafasi ya juu ya uongozi wa nchi.

Lakini Bwana KINANA amewasihi wanaondaa midahalo hiyo, watoe fursa sawa na kutenda haki wakati wa kuendesha midahalo hiyo na kutaka isitumike kuleta mifarakono isiyo na sababu,lengo likiwa ni kuwafahamu wagombea na kusikiliza sera zao na kupima uwezo wao ili watanzania wapate nafasi ya kuwapima na kufanya maamuzi.

Wakati huo makada zaidi wa chama hicho wameendelea kujitokeza kutangaza nia yao ya kuwania urais akiwemo Waziri wa Maliasili na Utalii LAZARO NYALANDU na hapo kesho Waziri wa Mambo ya Nchi za Nje BERNARD MEMBE naya anatarjia kutangaza nia hiyo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.