Daesh yatangaza vita vyake dhidi ya kundi la Taliban .

Kundi la kigaidi la Daesh limetangaza vita chidi ya kundi la Taliban nchini Afghanistan. Shirika la habari la IRNA limemnukuu mkuu wa kundi la Daesh nchini Afghanistan, Abdurrahim Musallam Dust akisema kuwa, kundi la Taliban ni mwakilishi wa Shirika la Kijasusi la Pakistan ISI na ametangaza vita dhidi ya kundi hilo.

Kabla ya hapo, kundi la Daesh ambalo linafanya jinai nyingi katika nchi za Iraq na Syria liliwataka wanamgambo wa Taliban wajiunge na kundi hilo.

Inafaa kukumbusha pia kuwa, katika kipindi cha wiki za hivi karibuni, kumetokea mapigano kadhaa baina ya kundi la Taliban na lile la Daesh huko Afghanistan.

Duru za kijeshi za Afghanistan zimethibitisha habari za kutokea mapigano baina ya makundi hayo mawili na kukanusha kuhusika jeshi la Afghanistan kwenye mapigano baina ya makundi hayo.

Mwezi moja nyuma, Muhammad Hanif Atmar, mshauri wa usalama wa taifa wa Rais wa Afghanistan aliliambia Baraza la Senate la nchi hiyo kuwa kundi la kigaidi la Daesh ni hatari kubwa kwa Afghanistan na eneo hili zima kwani kundi hilo lina nia ya kuingia kwenye nchi za Asia ya Kati kupitia kaskazini mwa Afghanistan.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.