Maambukizi ya MERS yaendelea Mashariki ya Kati licha ya jitihada za jumuiya ya kimataifa.

Maambukizi mapya ya ugonjwa uliozuka ambao unashambulia mfumo wa upumuaji wa MERS yameendelea kuongezeka katika kanda ya Mashariki ya Kati licha ya jitihada zinazofanywa na jumuiya ya kimataifa kukabiliana na ugonjwa huo.

Wizara ya afya nchini Saudi Arabia, ambako ugonjwa huo uligunduliwa kwa mara ya kwanza, imesema kesi sita za maambukizi ya ugonjwa huo zimeripotiwa katika mji wa Hofuf ulioko mashariki mwa nchi hiyo, huku wagonjwa wawili wakiwa na hali mbaya. Wizara hiyo imesema, wagonjwa hao walikuwa na mawasiliano na watu wanaoshukiwa kuwa na MERS au waliothibitishwa kuwa na maambukizi ya ugonjwa huo.

Nchini Oman, mtu mmoja mwenye umri wa miaka 75 aliyekuwa akisumbuliwa na kichomi na homa kali, amethibitishwa kuwa na virusi vya MERS, na kwamba anaendelea vizuri.

Shirika la Afya Duniani limesema, dalili za ugonjwa huo ni homa, kukohoa, na kuishiwa pumzi, na unaweza kusababisha kichomi na figo kushindwa kufanya kazi.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.