Mr. Blue aamua kuokoka.

RAPA wa muziki wa kizazi kipya, Khery Sameer ‘Mr Blue’, amesema anamshukuru mzazi mwenzake kwa kumfanya aachane na matumizi ya bangi, pombe, sigara, mirungi na kuishi maisha ya kawaida.

Akizungumza Dar es Salaam,Blue alisema mpenzi wake aliyemtaja kwa jina moja la Wahyda, amemfanya aache kutumia vilevi hivyo kutokana na kumwambia madhara yake.

“Alhamdulillahi nimeamka salama nikiwa mwenye furaha, ahsante Mungu,na nashukuru pia kwa kufaulu mtihani wa kuacha vilevi asante sana mke wangu Wahyda,” alisema.

Alisema anamshukuru mpenzi wake kwa kufanikisha kuacha vilevi vyote bangi, sigara, mirungi, pombe na kuishi kama binadamu wa kawaida.

Alitumia nafasi hiyo, kuwashauri ndugu zake rafiki zake wa karibu wanaotumia vilevi hivyo kuachana na matumizi ya vitu hivyo kwa ajili ya kukwepa kuharibiwa maisha yao.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.