News Alert:Vyama vya waongoza watalii na wapagazi watangaza mgomo usio na kikomo nchi nzima ikiwa hawatalipwa stahiki zao.

Vyama vya waongoza watalii na wapagazi nchini vimesema vitafanya mgomo wa nchi nzima usio na kikomo ifikapo tarehe 30 mwezi huu kama serikali haitatoa majibu sahihi juu ya malalamiko yao ya kuongezwa viwango vya malipo ya kazi zao ambazo wanazifanya katika mazingira magumu na hatarishi kwa maisha yao.

Tamko hilo limetolewa na mkutano mkuu maalum uliyoshirikishwa vyama tisa kutoka kanda zote kufuatia hatua ya makampuni ya mawakala wa utalii nchini kupuuza maagizo ya Wizara ya Mali asili na Utalii mwaka 2009 kuongeza viwango na kuyafanya makampuni hayo kulipa wastani wa dola tano hadi 10.

Mwenyekiti wa Chama cha Waongoza Watalii Mkoani Kilimanjaro Bwana RESPICIUS BAITWA amesema makampuni hayo yamepuuza kulipa kwa siku viwango hivyo vya wastani wa dola 10, 15 hadi 20 kwa wapagazi, wapishi na waongoza watalii kwa siku.

Naye Katibu wa Muungano wa Vyama vya Wapagazi nchini Bwana MUGABO MAGOTO ameitupia lawama serikali kwa kutoyachukulia hatua za kisheria baadhi ya makampuni ya uwakala wa utalii yanayofanya biashara hiyo bila kibali na kuliibia taifa.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.