Ntimizi amwaga vifaa vya michezo vya milioni 40/-

MWENYEKITI wa Chama cha Mpira wilaya ya Uyui mkoani Tabora, Musa Ntimizi amemwaga vifaa vya michezo katika wilaya ya Uyui vyenye thamni ya Sh milioni 40. Vifaa alivyotoa kwenye timu za mpira wa miguu wilayani humo ni jezi seti 50 na mipira 200 vyote vikiwa na thamani hiyo.
Ntimizi ambaye ni mwenyekiti wa CCM wilaya ya Tabora (Uyui), alitoa vifaa hivyo kama mwenyekiti wa chama cha mpira wa miguu wilaya hiyo, ikiwa ni kutimiza ahadi aliyoitoa ya kukuza vipaji wilayani kwake.
Akizungumza kwenye ziara yake wilayani Uyui, Ntimizi alisema ataendelea kutoa vifaa vya michezo kwa timu za wilaya hiyo, kwani kuna vipaji lukuki vinavyopaswa kuendelezwa.
“Mimi licha ya kuwa mwenyekiti wa chama cha soka wilayani kwangu, bado ni mdau mkubwa wa soka hivyo naguswa mno kuona vijana wanakosa fursa ya michezo ni lazima nisaidie eneo hili,” alisema Ntimizi.
Akielezea zaidi wakati akizungumza kwenye maeneo aliyopita kwenye ziara hiyo aliwataka vijana kujitoa kushiriki michezo hasa mpira wa miguu.
Alisema michezo ni ajira, afya, furaha na hukutanisha wadau kwa pamoja kama ndugu hivyo yeye atakuwa pamoja nao. Kwa upande wao, wawakilishi wa timu kwa nyakati tofauti walishukuru hekima za mwenyekiti wa chama soka wilaya kwa hatua hiyo.
Walisema tangu historia ya wilaya hiyo kuanzishwa hawakuwahi kupatiwa msaada wa vifaa vyenye thamani kubwa kama hiyo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.