Rais OMAR HASSAN Al-BASHIR wa Sudan hawezi kukamatwa wakati akiwa Sandton.

Rais OMAR HASSAN Al-BASHIR wa Sudan hawezi kukamatwa wakati akiwa Sandton,Afrika Kusini unapofanyika mkutano wa viongozi wa Umoja wa Afrika kwani eneo hilo kwa sasa liko chini ya mamlaka ya Umoja wa Afrika.

Taasisi ya Masuala ya Kimataifa ya Afrika Kusini imesema kama inavyofahamika Umoja wa Afrika unafanya mkutano wake hapo eneo ambalo limetangazwa kama eneo la Umoja huo kwa mujibu wa kanuni za kimataifa.

Kwa sababu hiyo msemaji wa taasisi hiyo,Bwana HOPEWELL RA DEBE amesema polisi wa Afrika Kusini hawawezi kwenda mahali hapo na kumkamata mtu yeyote wakati wa kipindi cha mkutano huo ulioanza jana na unatarajia kukamilika leo.

Amesema Serikali ya Afrika Kusini ilijua hali hiyo kwamba suala la Rais BASHIR lingeibuliwa na mashirika ya kimataifa na makundi mengine ya ushawishi na ndiyo ime jitokeza Mahakama ya Uhalifu ya Kimataifa ya ICC ambayo imekuwa inamtafuta kwa muda mrefu ku taka Afrika ya Kusini ambayo ni mwanachama wa mahakama hiyo imkamate kitu ambacho hakiwezekani.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.