Serikali yatolea ufafanuzi juu ya kulimaliza tatizo la muda mrefu la Makazi duni ya Askari.

Serikali imesema itaendelea na juhudi za kutatua tatizo la makazi kwa askari nje ya utaratibu wa kawaida wa bajeti kwa ushirikiano na wadau mbalimbali chini ya mpango shirikishi wa PPP.

Naibu Waziri wa Mambo ya Ndani ya Nchi,PEREIRA AME SILIMA ametoa kauli hiyo alipokuwa a kijibu swali la Mbunge wa Viti Maalum,CONCHESTA RWAMLAZA aliyeuliza serikali ina mpango gani wa kuwapatia askari wa polisi na magereza katika eneo la Nshambya na Miembeni Manispaa ya Tabora nyumba bora kutokana na nyumba wanazoishi sasa kuchakaa.

Naibu Waziri wa Mambo ya Ndani ya Nchi,amesema jeshi la polisi limepanga kulifanyia ukarabati jengo la ghorofa nne linalokaliwa na familia 72 ililopo katika Manispaa ya Bukoba katika mwaka huu wa fedha endapo serikali italipatia fedha hizo.

Wakati huo huo, Bunge limeelezwa kuwa k atika kukabiliana na tatizo la kupanda na kushuka kwa bei ya mazao ya biashara katika soko la dunia ikiwemo zao la tumbaku, Serikali kwa kushirikiana na wadau wa mazao inaandaa utaratibu wa kuanzisha mfuko maalum wa kufidia bei za mazao.

Naibu Waziri wa Kilimo,Chakula na Ushirika,GODFREY ZAMBI amesemahayo alipokuwa a kijibu swali la mbunge wa Mpanda Vijijini , MOSHI KAKOSO aliyetaka kujua serikali inampango gani wa kuwafidia hasara waliyoipata wakulima tumbaku walioathirika tatizo la kushuka bei kwenye soko la Dunia.

Naibu Waziri wa Kilimo , Chakula na Ushirika amesema Waraka wa Baraza la mawaziri kuhusu mapendekezo ya kutunga sheria ya kuanzisha mfuko wa kufidia bei za mazao umewasilishwa katika ngazi za u amuzi.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.