Timu ya Kenya ya wanawake ya voliboli imetinga fainali za michuano ya Voliboli.

Timu ya Kenya ya wanawake ya voliboli imetinga fainali za michuano ya Voliboli Kombe la Afrika kwa kupambana na Algeria.

Kufikia hatua hiyo Kenya iliitoa Cameroon katika nusu fainali huku Algeria ikiitoa Senegal katika michezo inayoendelea katika viwanja vya ndani vya Kasarani mjini Nairobi Kenya.

Kabla ya mechi ya fainali, Cameroon itavaana na Senegal kumtafuta mshindi wa tatu.

Awali katika michezo ya makundi, Kenya iliibwaga Algeria kwa seti 3-0.

Hata hivyo kocha wa timu ya Kenya David Lung'aho amebainisha kuwa mchezo huo hautakuwa mwepesi kwani Algeria ni timu ngumu licha ya kuifunga katika mchezo wa makundi.

Mpaka sasa Kenya imenyakua kombe la Afrika la Voliboli kwa Wanawake mara nane, kwa mara ya kwanza ikilitwaa kombe hilo mwaka 1991 huko Misri.

Timu nyingine zilizowahi kushinda kombe hilo ni Misri na Tunisia mara tatu kila moja na Algeria ikiambulia mara moja mwaka 2009.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.