SWEDEN:Tunadhamiria kukuza ushirikiano na Tanzania ili kuleta maendeleo na kukua kwa uchumi.

Serikali ya Sweden imeridhishw a na kiwango cha maendeleo ya uchumi wa Tanzania kwa kipindi cha miaka 10 iliyopita na inadhamiria kukuza ushirikiano baina yake na Tanzania ili kuleta maana zaidi katika maendeleo na kukua kwa uchumi kwa ujumla.

Waziri Mkuu wa Sweden , STEFAN LOFVEN amesema hayo alipokutana na Rais JAKAYA KIKWETE Ofisini kwake Jijini Stockholm - Sweden na kuongeza imefika hatua nyingine ambapo sasa kunahitajika kuanzisha awamu mpya ya uhusiano wa Tanzania na Sweden.

Kwa upande wake Rais KIKWETE amemwambia Waziri Mkuu wa Sweden pamoja na misaada ya Sweden kwa Tanzania , awamu nyingine ya uhusiano baina ya nchini mbili hizo inahitaji pia kuona kampuni za Sweden zinawekeza nchini Tanzania na pia kukuza biashara baina ya nchi mbili hizi ili hatimaye Tanzania ijitegemee zaidi na kupunguza kutegemea misaada".

Wakati huo huo, Rais mpya ajaye nchini Tanzania anakabiliwa na changamoto kubwa ya kuhakikisha Tanzania itaendelea kubakia kuwa moja kwa kudumisha Umoja wetu na Amani kwani Tanzania inatokana na muungano wa nchi mbili.

Rais Jakaya Kikwete ameyasema hayo j ijini Stockholm - Sweden ali po kuwa akizungumza na Watanzania wanaoishi Sweden .

Rais KIKWETE pia ameelezea matumaini yake kuwa Tanzania itapata kiongozi mzuri na kuelezea mafanikio ambayo serikali yake imeyapata na kutumaini kuwa yatadumishwa na kuendelezwa na Rais ajaye.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.