Wanafunzi 270 wa Chuo cha Ualimu Korogwe wanakabiliwa na ukosefu wa maji chuoni hapo.

Wanafunzi 270 wa Chuo cha Ualimu Korogwe ,waliochaguliwa na Serikali kusomea Stashahada ya Juu ya Sayansi na Hisabati kwa lengo la kupunguza uhaba wa walimu wa masomo hayo nchini,wanakabiliwa na matatizo mbali mbali ikiwemo ukosefu wa maji chuoni hapo hatua waliyoielezea kuwa inaweza kusababisha magonjwa ya milipuko.

Wakizungumza chuoni hapo wakati viongozi wa Serikali wa wilaya na mkoa wa Tanga walipotembelea na kukabidhiwa vifaa vya ujenzi vilivyotolewa na Hifadhi z a Taifa - TANAPA - kupitia Hifadhi ya Mkomazi kwa lengo la kuwapunguzia matatizo wanafunzi hao,wamesema mbali na ukosefu wa maji pia wameathirika kiuchumi hivyo wameikumbusha Serikali kutekeleza ahadi yake ya kuwapatia mikopo ili wajinunulie vifaa v itakayowawezesha kusoma kwa ufanisi .

Kuhusu mikopo msemaji wa wanafunzi hao,LOTAMWANG'AKI MOLLEL amesema kuna ahadi iliyotolewa na Katibu Mkuu Wizara y a Elimu na Mafunzo ya Ufundi ,Profesa SIFUNI MCHOME kuwa wa tawezeshwa mikopo ili wafikie malengo yao kwa ufanisi.

Kufuatia hatua hiyo Mkuu wa chuo hicho ,Bwana JAM ES MMBAJI amesema chuo kina kisima cha maji ambayo yanatoka muda wote ,lakini hayatoshelezi mahitaji.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.