Waomba hifadhi kutoka Burundi wanaoingia kambi ya Nyarugusu yaelezwa kupungua.

Idadi ya wakimbizi kutoka Burundi wanaoingia nchini kuomba hifadhi kufuatia vurugu zilizosababishwa na uamuzi wa chama cha CNDD FDD kumsimamisha Rais PIERE NKURUNZINZA kugombea awamu ya tatu ya urais, imepungua kutoka Elfu- Tatu kwa siku hadi mia moja hivi sasa .

Hayo yameelezwa na mkuu wa kambi ya wakimbizi Nyarugusu,Wilayani Kasulu, inayopokea na kuwahifadhi kwa sasa raia hao ku toka Burundi,SOSPETER BOYO,wakati wa maadhimisho ya siku ya Wa kimbizi duniani .

Amesema hivi sasa wanapokea kati ya wastani wa wakimbizi 150 na 200 kwa siku na wengi wamekuwa wakiingilia kupitia vijiji mbalimbali vya Mkoa wa Kigoma, na kwamba kutokana na hali hiyo kambi sasa ina zaidi ya wakimbizi Laki- moja na Elfu- kumi wakati Warundi wakiwa Elfu- 57 .

Kwa upande wake Mratibu wa Shirika la Kimataifa linalo shughulikia afya na maji kambini hapo - OXFAM- Bwana VICENT OTIENO amesema shirika hilo linasaidia kuongeza huduma ya maji kutokana na miundombinu iliyopo kuwa na uwezo wa kuhudumia watu wacahache huku wakimbizi wakiomba kujengwa haraka kwa makazi yao kutokana na msongamano uliopo sasa kuhatarisha afya zao .

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.