Wizara ya maliasili yakiri upungufu mkubwa wa kifuta machozi kwa mtu aliyejeruhiwa au kuuawa na mnyamapori.

Wizara ya Maliasili na Utalii imekiri kuwa kanuni za malipo ya kifuta machozi iliyoanza kutumika Aprili 2011 kuwa na upungufu mkubwa, ikiwemo viwango vidogo vya kufuta machozi kwa mtu aliyejeruhiwa au kuuawa na mnyamapori.

Naibu Waziri wa Maliasili na Utalii, MAHAMOUD MGIMWA amesema hayo alipokuwa akijibu swali la mbunge wa Viti Maalum, PAULINE GEKUL aliyetaka kujua ni lini kanuni za maliasili za mwaka 2011 zinazotumika kulipa fidia kwa wananchi pale ambapo mazao yao yataharibiwa na wanyapori zitarekebishwa kutokana na upungufu uliyojitokeza.

Amesema zoezi la kurejea kanuni linaendelea kutokana na mchakto wake kuhusisha hatua mbalimbali ikiwemo ushirikishwaji wa wadau mbalimbali.

Bunge limeelezwa kuwa vikundi vya vijana 31 vimenufaika na huduma mbalimbali ikiwemo mikopo ya Shilingi Milioni 16.402,vifaa na mafunzo mbalimbali ya ujasiriamali.

Naibu Waziri wa Fedha na Uchumi, ADAM MALIMA ametoa kauli hiyo alipokuwa akijibu swali la mbunge wa Viti maalum, LETICI NYERERE aliyeuliza Serikali imetoa huduma gani kwa vijana wa wilaya ya Kwimba ili kuwezesha kujiajiri wenyewe na vikundi gani vimenufaika na mpango huo.

Amesema kutoa huduma ya mikopo yenye masharti nafuu kupitia mfuko wa maendeleo ya vijana pamoja na kuta nyenzo za kufanyia kazi ambapo vikundi vya vijana kutoka vijiji vitatu vilipatiwa mashine nne za kufyatua matofali kutoka Shirika la Nyumba la Taifa.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.