BUHARI:Ndani ya siku kumi zijazo Tunakabiliana na wapiganaji wa Kiislam wa kikundi cha Boko Haram.

Rais wa Nigeria, Bwana MUHAMMADU BUHARI amesema vikosi vya jeshi la pamoja la baadhi ya mataifa ya Afrika litakuwa tayari ndani ya siku kumi zijazo kukabiliana na wapiganaji wa Kiislam wa kikundi cha Boko Haram.

Boko Haram kimehusika na mauaji ya maelfu ya watu pamoja na utekaji wa mamia ya wasichana.

Rais BUHARI ameliambia Shirika la Associated Press kuwa wapiganaji wa Boko Haram wataangamizwa katika kipindi cha miezi 18 au chini ya muda huo.

Hata hivyo amekiri kuwa Serikali ya Nigeria haina taarifa za mahali walipo wasichana waliotekwa katika Mji wa Chibok, Aprili mwaka jana na kuzua kilio kutoka jumuiya ya kimataifa.

Rais BUHARI amesema Serikali yake ipo tayari kuwaachia wapiganaji wa Boko Haram wanaoshikiliwa kwa kubadilishana na wasichana waliotekwa, iwapo watawabaini viongozi halisi wa kikundi hicho na kuwa na mazungumzo nao.

Rais BUHARI aliyechaguliwa miezi miwili iliyopita juzi amekutana na Rais BARACK OBAMA.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.