Sophia Simba sasa amkubali Magufuli.

Mwenyekiti wa Jumuiya ya Wanawake wa Chama cha Mapinduzi (UWT), Sophia Simba, ameamua kumuunga mkono Dk. John Magufuli ambaye ni mgombea atakayepeperusha bendera ya CCM katika uchaguzi Mkuu wa Oktoba mwaka huu.

Msimamo huo ulitolewa jana na Katibu wa jumuiya hiyo, Amina Makilagi, alipoulizwa swali na waandishi kuhusu msimamo wa mwenyekiti huyo, baada ya kutoa tamko la jumuiya hiyo la kumpongeza Magufuli.

Sophia Simba mwishoni mwa wiki alijitokeza hadharani akiwa na wajumbe wawili wa Kamati Kuu ya (CC) ya chama hicho, Adam Kimbisa na Dk. Emanuel Nchimbi, kwamba hawaungi mkono na sio sehemu ya maamuzi yaliyotolewa na CC juu ya majina matano ya wagombea urais yaliyopelekwa katika Halmashauri Kuu ya (NEC)

Majina hayo mbali na Magufuli ni ya Dk. Asha-Rose Migiro, January Makamba, Bernard Membe na Balozi Amina Salum Ali.

Wajumbe hao walisema hawajakubaliana na maamuzi hayo kwasababu hayakufuata Katiba na kanuni za chama hicho, kutokana na CC kutopokea majina yote ya walioomba uteuzi na kuwa ni kinyume na kanuni.

“Kwenye hili tamko tupo pamoja na Mwenyekiti wetu (Sophia Simba) na kabla sijaja hapa tumekutana nilikuwa naye asubuhi, haya yote niliyozungumza hapa tumeyatengeneza kwa pamoja na tulichokubaliana ni kwamba nije hapa tuzungumze,” alisema Makilagi.

Aidha alisema hivi karibuni wameandaa hafla ya kumpongeza Samia Hassan Suluhu kwa kuteuliwa kuwa mgombea mwenza, na Simba atajitokeza na kuzungumza na wananchi.

“Tutaandaa kitu kikubwa tu ambacho yeye (Sophia) atatoka na atasimama na kuzungumza na wananchi tukiwa tumeandaa kazi ndogo ya kumpongeza Mama Samia Suluhu,” alisema Makilagi.

Awali akisoma tamko la pongezi, Makilagi alisema jumuiya inampongeza kwa dhati na kuahidi kumuunga mkono Dk. Magufuli kuhakikisha chama kinapata ushindi wa kishindo katika uchaguzi huo.

Alisema katika Taifa la Tanzania mchango wa wanawake ni mkubwa sana na kumpongeza Dk.Magufuli kwa kumteua Suluhu kuwa mgombea mwenza.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.