Shehena ya sukari mifuko 254 katika bandari bubu Tanga yakamatwa.

Mamlaka ya mapato nchini (TRA) tawi la Tanga kwa kushirikiana na kikosi cha polisi majini kimefanikiwa kukamata shehena ya sukari mifuko 254 katika bandari bubu ya sahare ambayo ilikuwa ikitokea nchini brazili kupitia pemba hadi jijini tanga bila kulipiwa ushuru.

Mkuu wa operesheni wa (TRA) mkoani Tanga Bwana.Kaimukelwa Johansen amesema uchunguzi uliofanywa umeonesha kuna shehena kubwa ya sukari kisiwani Zanzbar iliyotokea nchini Brazili ambayo imekuwa ikisafirsihwa katika baadhi ya mikoa kupitia njia ya panya na bandari bubu ikiwemo mkoa wa tanga ambayo inauzwa maeneo mengi.

Kwa upande wake meneja wa forodhwa mkoani tanga Bwana. Pius Kibahila amesema hii ni mara ya pili kwa sukari kukamatwa kutoka Brazil ikiwemo ile ya awali iliyokamatwa mwezi wa tano mwaka huu hivyo amewaomba wakazi wanaoishi jirani na bandani bubu kutoa ushirikiano kwa kikosi cha polisi cha wanamaji au TRA ili kudhibiti hujuma hizo.

Kufuatia hatua hiyo mamlaka hiyo imetangaza vita kwa wafanyabishara wasiokuwa waaminifu kuwa watataifisha vyombo vilivyohusika na hujuma za ukwepaji ushuru wa forodha pamoja na kuchukua hatua kali za kisheria kwa watu wanaofanya makusudi kuzorotesha jitihada za serikali katika zoezi la ukusanyaji wa mapato.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.