Nora:Wasanii tusikubali kutumika.

MKONGWE wa filamu za kibongo, Nuru Nassoro ‘Nora’ amewatolea uvivu wasanii wenzake ambao wanakubali kutumika kisiasa katika kipindi cha kampeni za uchaguzi bila kujua madhara watakayopata baada ya uchaguzi.
Nora alisema anawashangaa baadhi ya wasanii kukubali kununulika wakati wakijua kuwa baada ya uchaguzi watamwagwa na hakuna jambo la maana ambalo watafanyiwa baada ya uchaguzi kumalizika.
Alisema thamani ya wasanii haipo na ndio maana kila uchaguzi wanatumiwa vibaya na kuachwa solemba na kudai kuwa kila uchaguzi ukikaribia viongozi hujiweka karibu na wasanii na baada ya hapo wanawabwagwa.
“Nawashangaa wasanii wanaojipendekeza kwa viongozi msimu huu wa uchaguzi alafu wao wenyewe baadaye wakiachwa wanaanza kulalamika kikubwa wanatakiwa kujipima wao kwanza kabla hawajaingia katika siasa,” alisema.
Nora alisema kwa upande wake hayupo tayari kutumika kisiasa alaafu baadaye akaachwa solemba ni bora akaendelea kufanya mambo yake ya msingi kuliko kutumika na baadaye kumwagwa.
Alisema wasanii wamekuwa wakilalamika kuhusu matatizo wanayokumbana nayo lakini hakuna kiongozi yoyote kwenye siasa amewahi kujitokeza na kuwatatulia matatizo yao lakini kipindi hiki cha uchaguzi ndio wanawaona wa maana.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.