Watakiwa kuzisoma sheria za mafuta,gesi.

Wadau wa gesi na mafuta nchini na wananchi, wametakiwa kuzisoma na kuzielewa sheria zilizopitishwa na kusainiwa na Rais Jakaya Kikwete hivi karibuni ili kuzikosoa kwa hoja badala ya kuzipinga.

Agosti 5 mwaka huu, Rais Jakaya Kikwete alitia saini sheria tano zilizopitishwa na Bunge hivi karibuni licha ya kupingwa na wabunge wa upinzani wanaounda Umoja wa Katiba ya Wananchi (Ukawa).

Rais Kikwete alitia saini Sheria ya Mafuta na Gesi; Sheria ya Uwazi na Uwajibikaji katika Rasilimali za Madini; Mafuta na Gesi Asilia Tanzania; Sheria ya Usimamizi wa Mapato ya Mafuta na Gesi; Sheria ya Tume ya Walimu na Sheria ya Masoko ya Bidhaa zote za mwaka 2015.

Naibu Waziri wa Nishati na Madini, Charles Mwijage (pichani), aliyaeleza hayo jana wakati wa mkutano na wadau mbalimbali na wakuu wa mashirika ya mafuta na gesi, wakati wakijadili sheria hizo na jinsi zinavyoweza kuwanufaisha Watanzania.

“Serikali inatambua tuko kwenye zama za gesi ambayo ni rasilimali kubwa, yenye thamani haina maana kama hatutawaeleza Watanzania namna ya watakavyonufaina na rasilimali hiyo kubwa, pia tunatambua mchango wa mashirika binafsi katika sekta hii na pia sheria hizi zimekuwa za uwazi, ” alisema Mwijage.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.