Lissu:Dr.Slaa ni muongo,watanzania mpuuzeni! Maneno yote tatizo ni Urais.

Akihojiwa katika Redio Sauti ya Amerika (VOA) jana, Mwanasheria wa Chadema, Tundu Lissu, alihoji sababu za Dk. Slaa kuibuka sasa na kusema Lowassa hakuweka wazi masuala ya kashfa ya Richmond kabla ya kujiunga rasmi na chama hicho.
“Mbona huo ushahidi aliokuja nao leo hakunishirikisha mimi kama mwanasheria mkuu wa chama? Kwanini kaibuka leo? Na hizo gharama za mkutano wake zimebebwa na nani?
“Tulizungumza kwenye Kamati Kuu na kabla ya Kamati Kuu ya chama, na Lowassa akatwambia aliyeruhusu mkataba huo kuendelea ni Rais Kikwete, Dk. Slaa alikuwepo, imeandikwa wapi kwamba lazima Lowassa alete vijana, viongozi wangapi kutoka CCM?” alisema Lissu.
Habari zilizopatikana baadaye kutoka ndani ya Chadema zilisema licha ya kiongozi huyo kusema aliandika barua ya kujiuzulu Julai 28 mwaka huu, chama hicho kimeendelea kumlipa mshahara ukiwamo wa mwezi uliopita.
“Hata gari alilonunuliwa na chama ameendelea kulitumia hadi leo (jana) ambako aliamua kulirudisha saa chache kabla ya kuzungumza na vyombo vya habari,” kilisema chanzo hicho.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.