Sheikh Mkuu wa Tanzania amesema wanafuatilia kwa karibu maafa ya mahujaji Saudia.

Sheikh Mkuu wa Tanzania Abubakar Zuberi amesema hadi sasa bado haijajulikana kama kuna mahujaji Watanzania waliofariki au kujeruhiwa katika ajali ilioua watu 107 katika msikiti mkuu wa Makka, Saudi Arabia.

Ijumaa iliyopita mahujaji 107 waliokuwa wakisali katika Msikiti wa Makka walikufa na wengine kujeruhiwa baada kuangukiwa na ukuta ulioanguswa na winchi iliyokuwa jirani msikiti huo.

Akizungumza leo jijini Dar es Salaam, Sheikh Mkuu alisema Baraza la Kuu la Waislam Tanzania (Bakwata) kwa kushirikiana na Wizara ya Mambo ya Nje na Ushirikiano wa Kimataifa wanafuatilia kwa karibu ili kujua hali ya mahujaji hao.

“Tunafuatilia ili kufahamu usalama wa mahujaji wetu na tutakuwa tunatoa taarifa za maendeleo ya tukio hilo kila tutakapopata taarifa,” alisema.

Alisema kwa sasa baraza hilo halina idadi ya mahujaji waliokwenda kuhiji kwani kuna wengine walishaondoka Septemba 9 mwaka huu na wengine wanaendelea kwenda huko.

“Hili ni tukio la kusikitisha na ni msiba mkubwa kwetu, sisi waislamu kila tunapopata msiba huwa tunasema sisi sote tunatoka kwa mwenyezi Mungu na kwake tutarejea,” alisema.

Alitoa wito kwa misikiti yote nchini kuwaombea dua waliotangulia mbele ya haki na kwamba Mungu awasamehe madhambi yao.

“Nawaomba ndugu na jamaa wa mahujaji kuwa watulivu na kumwomba Mungu ili warejee wakiwa salama,” alisema.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.