Wafuasi watano wa CHADEMA waliotuhumiwa uvunjaji amani wapata dhamana.

Watu wa tano wafuasi wa Chama cha Demokrasia na Maendeleo - CHADEMA- waliokuwa wamekamatwa na kufikishwa mahakani wakidaiwa kupanga njama za uvunjifu wa amani na kuvuruga mchakato wa uchaguzi katika Kata ya Muhutwe Jimbo la Muleba Kaskazini na kukaa mahabusu kwa siku kadhaa bila kupewa dhamana wamefanikiwa kupata dhamana na kuendelea na shughuli zao za siasa.

Watuhumiwa hao waliokamatwa ni pamoja na mgombea Udiwani Kata ya Muhutwe, ELIEZA LUHIPULA pamoja na wafuasi wake wanatuhimiwa kwa kufanya njama za uvunjifu wa amani katika harakati za kampeni.

Akizungumza katika mahakama hiyo Mwendesha Mashitaka wa Polisi CHARLES MPELWA amesema mahakama ilizuia kutoa dhamana kwa washitakiwa hao kwa siku kadhaa kutokana na kesi yao inayohusu upangaji wa njama za uvunjifu wa amani.

Hata hivyo Hakimu wa mahakama ya Wilaya ya Muleba, BENEDICT NKOMORA ameamuru kuwa kila mshitakiwa adhaminiwe na mtu mmoja kwa dhamana ya Shilingi Laki-mbili mpka siku ya tarehe kumi na sita mwezi novemba watakapo rejea tena mahakamani hapo .

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.