Watoto milioni 11.3 kufanyiwa chanjo ya ugonjwa wa kupooza (Polio) nchini Madagascar.

Serikali ya Madagascar imetangaza kuanzisha kampeni ya kutoa chanjo ya ugonjwa wa kupooza kwa watoto milioni 11.3 kote nchini.

Kampeni hiyo iliyoanza siku ya Jumatatu, inalenga kutoa chanjo kwa watoto walio na umri wa kati ya miaka 0 – 15 kwa kipindi cha siku tano nchini Madagascar.

Mkuu wa idara ya chanjo katika wizara ya afya ya Madagascar, alisema kwamba wahudumu 22,171 wa kiafya watashiriki kwenye kampeni hiyo na kutoa chanjo katika hospitali 3,177 kote nchini.

Kampeni hiyo iliyoanzishwa kwa msaada wa fedha dola milioni 4 kutoka kwa WHO, itawezesha watoto kupata chanjo ya ugonjwa wa kupooza bure kwa siku tano.

Wizara ya Afya nchini humo imetangaza kuripotiwa kwa kesi 10 za ugonjwa wa kupooza katika miezi 12 ya mwisho.

Ukosefu wa chanjo ni hatari kwa watoto kwa kuwa unasababisha ugonjwa wa kupooza unaoweza kupelekea watoto kuwa walemavu.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.