Blatter ameripotiwa akisema kuwa anashtumiwa bila ushahidi.

Rais wa shirikisho la soka duniani FIFA Sepp Blatter ameripotiwa akisema kuwa anashtumiwa bila ushahidi wa makosa aliyofanya.

Matamshi yake yanajiri wakati alipoitwa 'mnafiki na muongo' na Chung Mong-Joon ambaye anapanga kumshataki raia huyo wa Uswizi kwa ubadhirifu wa fedha huku vilevile akitaka kumrithi katika FIFA.

Blatter anakabiliwa na uchunguzi kwa tuhuma za kutekeleza uhalifu wakati wa uongozi wake katika FIFA.

'Hakuna mashtaka',raia huyo mwenye umri wa miaka 79 aliliambia jarida moja la Ujerumani Bunte.

Blatter ambaye atastaafu mnamo tarehe 26 mwezi Februari ,aliongezea:''Huu ni uchunguzi tu''.

''Nitapigana hadi mwezi Februari ,kwa haki yangu na ile ya FIFA,Ninahakika kuwa uovu huo utabainika mwishowe''.

Aliyekuwa makamu wa rais wa shirikisho la soka duniani FIFA Chung alifichua wiki hii kwamba anachunguzwa na kamati ya maadili ya FIFA na kusema kuwa hatua hiyo imekandamiza kampeni ya uongozi wake.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.