Wananchi Mvomero na Gairo wameomba rais ajaye kushughulikia kero zao.

Wananchi wa jimbo la Mvomero pamoja na Gairo mkoani Morogoro wamemuomba rais ajaye kuhakikisha anashughulikia kero zao mbalimbali, ikiwemo ya wakulima wa mahindi na miwa kuchukuliwa mashamba yao na wawekezaji wakubwa bila fidia stahiki na kushindwa kufanya kilimo pamoja na kutatua migogoro baina ya wakulima na wafugaji ambayo imekuwa ikisababisha mauaji ya raia na hivyo kurudisha nyuma maendeleo ya mkoa wa Morogoro

Mgombea mwenza wa urais wa jamhuri ya muungano wa tanzania kupitia chama cha demokrasia na maendeleo ( CHADEMA ), anayeungwa mkono na vyama vinavyounda umoja wa katiba ya wananchi ( UKAWA ),Mh.Juma Duni Haji anawasili katika kata ya hembeti jimbo la mvomero na magore jimbo la kilosa kati na kulakiwa kwa orodha ndefu ya kero za wananchi.

Mgombea ubunge wa jimbo la Gairo kupitia Chadema Salum Mpanda anasema akipewa ridhaa na wananchi ya kuingia Bungeni atafuta michango yote ya shule ambayo ni kero kwa wazazi na kutumia vyanzo vingine vya mapato kuboresha huduma za kijamii.

Ikafika zamu ya mgombea mwenza Mh.Juma Duni Haji kuhutubia mkutano wa hadhara uliofanyika katika uwanja wa shule ya msingi gairo,jimbo la gairo na ujumbe wake hapa ukalenga zaidi kuwatia hamasa wananchi kwa ajili ya kwenda kupiga kura tarehe 25 mwezi huu ili kufanya mabadiliko kwa kuiondoa madarakani serikali ya chama cha mapinduzi.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.