Mrembo wa Tanzania afuata taji la dunia.

MREMBO wa Tanzania wa mwaka 2014 (Miss Tanzania), Lilian Kamazima anatarajiwa kuondoka nchini leo kwenda Sanya, China kushiriki mashindano ya dunia (Miss World), huku akiahidi kuipeperusha vyema bendera ya Tanzania.
Alitoa ahadi hiyo jana mara baada ya kukabidhiwa bendera, ikiwa ni ishara ya kuagwa tayari kwa safari ya kwenda China kushiriki katika shindano hilo litakalofanyika Desemba 19, mwaka huu. Alikabidhiwa bendera hiyo na Kaimu Mkuu wa Mkoa wa Dar es Salaam ambaye pia ni Mkuu wa Wilaya ya Temeke, Sophia Mjema.
“Nakupongeza sana kupata nafasi hii na ninaamini kuwa umejiandaa vizuri kushiriki mashindano haya na ukahakikishe unashinda mashindano hayo na kuliletea sifa taifa lako,” alisema Mjema.
Aidha Mjema amemtaka mrembo huyo kuhakikisha anainadi vyema Tanzania kwa kuvitangaza vivutio vyake vya utalii,hali ya siasa na amani iliyopo nchini pamoja na lugha adhimu ya Kiswahili.
Alimtaka kutojisikia mnyonge kuizungumza lugha ya Kiswahili akiwa kambini na wenzake na hiyo itawafanya watu wajue lugha hiyo na kuijua vyema Tanzania. Kamazima aliahidi kwa kusema;
“Nimejiandaa vizuri na nina hakika nitafanya vyema ila nawaomba sana Watanzania wenzangu mnipe sapoti yenu, kwani kuna ushiriki ambao nanyi mnahusika ili kuniwezesha kushinda.” Mrembo wa Tanzania 2005 Nancy Sumari alifanya vyema katika mashindano ya dunia na kutwaa taji la Dunia, Kanda ya Afrika mwaka 2005.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.