Miundombinu hiyo ni kuwepo kwa vyoo bora, mabweni ya wanafunzi, madawati, usafiri, uzio wa kuzunguka shule kwa ajili ya ustawi wa wanafunzi wa shule. Akizungumza na waandishi wa habari, Dar es Salaam jana, Mkurugenzi wa WiLDAF, Judith Odinga alisema kutokuwepo kwa miundombinu bora kunachangia ongezeko la ukatili wa jinsia.
Odunga alisema mazingira yasiyo salama kwa watoto shuleni, yana madhara makubwa na kwamba wanaamini kuondolewa kwa vikwazo, hivyo kutapunguza ukatili wa kijinsia kwa watoto na kuleta usawa wa kijinsi kwa watoto wa kike na wa kiume.
Alisema katika siku 16 za kupinga ukatili wa kijinsia kaulimbiu yao ni ‘Funguka, Chukua hatua mlinde mtoto apate elimu’. Maadhimisho hayo yatafanyika kesho hadi Desemba 10 na yatazinduliwa kwa maandamano kuanzia Sinza darajani hadi Ubungo Plaza, Dar es Salaam.
Alifafanua kuwa utafiti uliofanywa na Chuo cha Tiba Muhimbili (MUHAS) kwa kushirikiana na WiLDAF, alisema umetambua athari zinazochangia ukatili wa kijinsia, ikiwa ni pamoja na wazazi kutowajali watoto na adhabu kali.
Aidha, adhabu ya viboko inahusishwa kama moja ya aina za ukatili dhidi ya watoto na kwamba inaathiri maendeleo ya elimu ya watoto katika Taifa. Kutokana na hali hiyo, shirika hilo limeiomba serikali kufuta adhabu ya viboko mashuleni na kuomba walimu watumie njia mbadala ya kuwaadhibu wanafunzi.
Alisema ni lazima kutengeneza muongozo wa utekelezaji wa sera ya elimu ya mwaka 2014, utakaoelekeza upatikanaji wa elimu ya msingi iliyo bora na salama na kuunda mabaraza yatakayosimamia malalamiko ya wanafunzi mashuleni.
“Wizara ya Elimu na Mafunzo ya Ufundi na Wizara ya Katiba na Sheria zitunge sheria kuthibiti ukatili majumbani na kubadilisha Sheria ya Ndoa ya mwaka 1971, inayoruhusu mtoto wa kike chini ya miaka 18 kuolewa,” alifafanua Odunga.
0 comments:
Post a Comment