Agizo la Rais Magufuli kudhibiti wizi wa dawa hospitali limeanza kutekelezwa

Utekelezaji wa agizo la Rais, Dakta JOHN POMBE MAGUFULI la kuhakikisha hospitali zote za rufaa zinakuwa na maduka ya dawa yanayosimamiwa na Bohari Kuu ya Dawa limeanza kutekelezwa katika Hosipitali ya Mkoa wa Arusha - Mount Meru na tatizo la ukosefu wa dawa katika hosipitali hiyo linatarajiwa kuisha baada ya wiki tatu.
Mkurugenzi Mkuu wa Bohari Kuu ya Dawa nchini, LAUREAN RUGAMBWA amesema baada ya kukamilisha zoezi hilo katika Hospitali ya Taifa Muhimbili sasa utekelezaji unahamia mikoani wakianzia na Mkoa wa Arusha.
Katibu Tawala wa Mkoa wa Arusha, ADO MAPUNDA amesema utekelezaji wa maelekezo hayo unakwenda pamoja na kuendelea kuboresha huduma nyingine ikiwemo miundombinu ya utoaji wa huduma katika hospitali hiyo ya mkoa na pia za wilaya.
Mkuu wa Mkoa wa Arusha,FELEXS NTEBENDA KIJIKO amesema hatua hiyo ni mwanzo wa kazi kubwa inayowakabili watendaji wa ngazi zote ya kukomesha uzembe,wizi wa dawa na matatizo mengine yanayochangiwa na kukosekana kwa uwajibikaji.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.