Majwega amekuwa akionekana akifanya mazoezi na kikosi cha Simba kwa
madai kuwa analinda kiwango chake wakati akiwa na mgogoro wa kimaslahi
na Azam.
Ofisa Habari wa Azam FC, Jaffer
Iddi, alisema wamepokea barua kutoka Simba ikieleza kuwa mabingwa hao
mara 18 wa Bara wanataka kukaa meza moja na uongozi wa Wanalambalamba
ili kujadili uhamisho wa winga huyo na wamekubali kuwasikiliza.
Iddi alisema Azam imeipongeza Simba kwa kuchukua uamuzi huo badala
ya kuzungumza 'mtaani' wakati wanajua taratibu za usajili zinazotakiwa
kufuatwa.
"Simba sasa wametuelewa, wamekuja kwetu wanataka tukae mezani ili
kujadili suala la Majwega, maneno yote yaliyokuwa yanazungumzwa sisi
(Azam) tuliyafananisha na maneno ya mtaani," alisema.
Alieleza kuwa Majwega ni mchezaji wao halali na sababu ya uongozi
kutompa mshahara ni kutokana na winga huyo wa zamani wa KCCA FC ya Ligi
Kuu ya Uganda kutoroka na kurejea kwao Kampala baada ya kutojumuishwa
kwenye kikosi kilichoshiriki mashindano ya Kombe la Kagame yaliyofanyika
jijini Dar es Salaam Julai.
Azam, mabingwa wa Bara msimu wa 2013/14, walilazimika kutomjumuisha
kikosini winga huyo hatari kutokana na kile kilichoelezwa kuwa alikuwa
anasumbuliwa na majeraha.
Simba ilimuacha Mganda huyo jijini juzi ilipokwenda kambini
Zanzibar kujiandaa kwa mechi zao za Ligi Kuu ya Bara zitakazoendelea
kuanzia Desemba 12.
Katika hatua nyingine, kikosi cha Azam kinatarajia kuondoka jijini
kesho kwenda Tanga kwa ajili ya kuweka kambi ya siku tano kujiandaa
kuivaa Simba Desemba 12.
Ikiwa Tanga, Azam inayonolewa na Muingereza Stewart Hall,
inatarajia kucheza mechi mbili za kirafiki dhidi ya Mgambo Shooting
keshokutwa na African Sports Ijumaa kwenye Uwanja wa Mkwakwani jijini
humo.
0 comments:
Post a Comment