Msemaji wa kundi la kigaidi la DAESH adaiwa kujeruhiwa kwenye mashambulizi ya angani.

Abu Muhammed al-Adnan, ambaye ni msemaji wa kundi la kigaidi la DAESH nchini Iraq, anadaiwa kujeruhiwa kwenye mashambulizi ya angani yaliyotekelezwa wakati wa operesheni.

Wizara ya ulinzi ilitoa maelezo na kuarifu kujeruhiwa kwa Adnan siku chache zilizopita, katika mashambulizi ya angani yaliyotekelezwa na ndege za kivita za jeshi la Iraq kwenye eneo la Barwane lililoko mjini Anbar.

Maelezo zaidi yanaarifu kwamba Adnan alifikishwa kwenye hospitali moja ya eneo la Hayt kwa ajili ya matibabu baada ya kupoteza damu kutokana na majeraha.

Baadaye Adnan aliweza kusafirishwa Mosul chini ya ulinzi mkali.

Nchi ya Iraq imekuwa ikikumbwa na mizozo ya kundi la kigaidi la DAESH linalotaka kutawala baadhi ya maeneo ya Iraq na Syria tangu mwezi Juni mwaka 2014.

Vikosi vya majeshi ya kimataifa vinavyoongozwa na Marekani vimekuwa vikitekeleza operesheni ya angani dhidi ya DAESH kwa kipindi cha zaidi ya mwaka mmoja.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.