Serikali kuwafungulia mashitaka wazazi watakao kaidi agizo la kupeleka watoto wao shule.

Serikali kupitia ofisi ya mwanasheria mkuu wa serikali itawafungulia mashitaka na kuwapeleka mahakamani wazazi na walezi wote watakaoshindwa kutimiza wajibu wao wa kuwapeleka watoto wao shule ifikapo tarehe 30 machi mwaka huu.

Waziri wa afya,maendeleo ya jamii,jinsia wazee na watoto Mh.Ummy Mwalimu ameyasema hayo jijini Dar es Salaam ambapo amesema familia zenye watoto wenye mahitaji maalum halikadhalika zihakikishe zinawapeleka watoto hao shule ili kutoa haki sawa ya elimu.

Kuhusu suala la watoto wanaoomba mitaani,wanaoishi katika mazingira hatarishi na walioajiriwa wakiwa na umri wa kwenda shule mh mwalimu amesema.

Pia viongozi na watendaji wa mikoa na halmashauri, maafisa Maendeleo ya jamii na watendaji wa kata wameaswa kusimamia na kutekeleza majukumu yao kwa kuhakikisha wanahamasisha jamii ipasavyo juu ya watoto kujiunga na darasa la kwanza na kidato cha kwanza kwa mwaka huu.
Ummy amesema kuwa maafisa wa maendeleo ya jamii za mikoa,Halmashauri na kata zote hapa nchini watoe taarifa za utekelezaji wa jambo la watoto kwenda shule mwishoni mwa mwezi Februari mwaka huu.
Aidha Serikali inatoa rai kwa wazazi na walezi kuhakikisha kuwa watoto wote wanaendelea na masomo ya shule ya Msingi na Sekondari vizuri na wahudhurie masomo yao kwa ufanisi, pia serikali haitegemei kuona utoro wa watoto mashuleni kutokana na sababu zinazoweza kuepukika.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.