Watu 6 wamefariki na wangine 25 kujeruhiwa katika ajali mkoani Morogoro.

Watu sita wamefariki dunia huku wengine ishirini na tano kujeruhiwa katika ajali mbili tofauti za Barabarani zilizotokea januari mosi mwaka huu mkoani Morogoro ambapo ajali moja imetokea eneo la Msosa mpakani mwa mkoa wa Iringa na Morogoro na nyingine ikitokea eneo la Ngiloli wilayani Gairo.

Akitoa tarifa ya ajali hiyo kamanda wa polisi mkoa wa Morogoro Lenard Paulo amesema ajali hiyo iliyotokea eneo la Msosa mpakani mwa mkoa wa Iringa na Morogoro kwa kuhusisha gari lenye namba za usajil T 922 basi aina ya YOUTONG mali ya kampuni ya AL-HUSHOOM likiwa na abiria 42 likiendeshwa na Dereva Ramadhani Shomari likotokea jijini Dar-es-Salaam kuelekea mkoani Mbeya na kusababisha vifo vya watu watatu akiwemo dereva wa gari hilo huku majeruhi 16 wakilazwa katika hospitali ya mtandika mkoani iringa.

Aidha kamanda Paulo akizungumzia ajali iliyotokea eneo la Ngiloli wilayani Gairo amesema ajali hiyo imehusisha gari dogo aina ya toyota VITZ likitokea Tanga kuelekea mwanza kugongana na lori lililokuwa likitokea kagera kuelekea dar es salamu na kusababisha vifo vitatu na majeruhi watano ambao wamelazwa katika kituo cha afya Gairo .

Kwaupande wake NESI wa zamu katika hospitali ya mkoa wa Morogoro Renrida Mwarabu amekiri kupokea vifo vitatu vilivyo tokana na ajali iliyotokea maeneo ya msosa na kuhifadhiwa katika chumba cha kuhifadhia maiti cha Hosptali ya mkoa wa Morogoro huku mganga mkuu wa kituo cha afya gairo Daktari Mustafa Kachele ameeleza maiti tatu za ajali ya Ngiloli Gairo zimesafirishwa kwenda Nzega.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.