Watu watano wa familia moja wamefariki dunia baada ya kusombwa na maji ya mto.

Watu watano wa familia moja wamefariki dunia baada ya kusombwa na maji ya mto katika kijiji cha Nyarubanda katika halmashauri ya wilaya ya Kigoma wakati wamelala.

Kwa mujibu wa Mbunge wa jimbo la Kigoma Kaskazini PETER SERUKAMBA tukio hilo limetokea kufuatia mvua kubwa zilizonyesha kwa saa nane na kusababisha Mto Nkonko uliopo Vijiji vya Nyarubanda na Mkigo kujaa maji na kuwasomba watu hao.

Amesema tayari maiti tatu zimepatikana huku jitihada za kutafuta maiti nyingine zikiwa zinaendelea na Kamanda wa Polisi wa Mkoa wa Kigoma Bwana FERDINAND MTUI amesema polisi wameenda eneo la tukio kwa uchunguzi na kusaidiana na wananchi kutafuta miili zaidi.

Afisa Mtendaji wa kijiji cha Nyarubanda NORBERT MCHEMWA amesema familia hiyo ilikuwa katika shghuli za kawaida za shamba na baada ya kuona mvua walikaa ndani ya nyumba ya muda waliyojenga shambani hapo lakini mto ulikatika na mkondo wa maji kuipitia nyumba hiyo pamoja na kuwasomba watu wote waliokuwemo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.