Waziri Lukuvi aitaka NHC kukusanya madeni kwenye taasisi za serikali zilizolimbikizwa.

Waziri wa ardhi, nyumba na maendeleo ya makazi,Mhe.William Lukuvi ameliagiza shirika la nyumba la taifa, NHC,kukusanya fedha za madeni ya shirika hilo kutoka kwenye taasisi za serikali ambazo zimelimbikizwa kwa muda mrefu bila kulipwa licha ya taasisi hizo za umma kuendelea kutumia huduma za shirika hilo.

Waziri lukuvi ametembelea ofisi za shirika la nyumba la taifa, mkoani mbeya na kuzungumza na wafanyakazi wa shirikika hilo ambapo meneja wa NHC mkoa wa mbeya, Juma Kiaramba akamweleza matarajio ya shirika hilo ya kuvuka lengo la ukusanyaji wa mapato ya serikali.

Akizungumzia changamoto za shirika hilo, kiaramba amemweleza waziri Lukuvi kuwa, shirika linakabiliwa na tatizo la wateja wake kutolipa fedha za pango la nyumba zake kwa wakati,na kuwataja baadhi ya wadaiwa sugu ambao ni taasisi za serikali.

Akizungumza na wafanyakazi hao,waziri Lukuvi amewapongeza kwa kazi nzuri wanayoifanya,lakini akawaagiza kuongeza jitihada katika kukusanya madeni ya shirika hilo hasa yale ambayo shirika linazidai taasisi za serikali.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.