Askari wa hifadhi(KINAPA) walalamikiwa kupiga na kudhalilisha wanawake.

Wananchi wa kijiji cha ushiri Marangu wilaya ya Moshi mkoani Kilimanjaro wamelalamikia askari wa hifadhi ya mlima Kilimanjaro (KINAPA) kwa kuwapiga na kudhalisha wanawake wanaingia katika hifadhi ya msitu wa mlima huo kwa ajili ya kuokota kuni na kukata majani.

Wakizungumza wakati wa zoezi la kupanda miti katika kijiji hicho

Kinachozunguka hifadhi ya mlima Kilimanjaro wananchi hao wanasema adha wanayoipata ni kubwa na kwamba wameshawasilisha malalamiko yao katika uongozi wa hifadhi hiyo bila mafanikiio.

Wanachi hao wamelazimika kuwasilisha kilio chao kwa mkuu wa mkoa wa Kilimanjaro Aw.amos Makala na kusema kuwa mateso wanayoyapata wanawake ni makubwa hali inayoondoa dhana ya ujirani mwema baina ya wananchi na uongozi wa hifadhi ya mlima Kilimanjaro.

Kufuatia malalamiko hayo mkuu wa mkoa wa Kilimanjaro Bw.Amos Makala amepiga marufuku askari wa hifadhi hiyo kunyanyasa wananchi na kuagiza uongozi wa Kinapa kuimarisha mahusiano mazuri na wananchi wanaozunguka hifadhi ya mlima Kilimanjaro.

Kaimu mhifadhi mlima Kilimanjaro Bw.Charles Ngendo ameahidi kutatua kero hiyo na kuimarisha ujirani mwema kwa kuanzisha na kusaidi miradi ya Maendeleo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.