MBABAZI:Nitakubaliana na matokeo ya uchaguzi endapo ni huru na haki*Museveni na Besigye wanachuana kwa kura Uganda.

Waziri Mkuu wa zamani wa Uganda, Amama Mbabazi amesema atakubali matokeo ya uchaguzi endapo kutakuweko uwazi katika mchakato mzima wa kuhesabu kura.

Mbabazi ambaye aliwania urais kama mgombea binafsi kwenye uchaguzi wa hapo jana alikuwa amesema hatayatambua matokeo ya uchaguzi na kudai kwamba, chama tawala kimetumia hila na udanganyifu.

Hii ni katika hali ambayo, matokeo ya hivi punde yaliyotolewa na Tume ya Uchaguzi yanaonyesha kuwa Waziri Mkuu huyo wa zamani ameshindwa kupata kura nyingi hata katika ngome yake ya nyumbani mjini Kanungu.

Habari za hivi punde zinaonyesha kuwa mgombea urais kwa tiketi ya chama cha FDC, Kizza Besigye ameanza kumsogelea Rais Yoweri Museveni aliyewania nafasi ya urais kwa tiketi ya NRM.

Hadi tunakwenda hewani Besigye alikuwa akishikilia nafasi ya pili kwa asilimia 38 kwenye matokeo ya pili awali ambayo yametolewa asubuhi hii na Tume ya Uchaguzi ya Uganda. Kwenye tangazo la kwanza,Besigye alikuwa na asilimia 32 ya kura zilizokuwa zimehesabiwa wakati huo. Kwa sasa Rais Yoweri Museveni bado anaongoza akiwa na zaidi ya kura milioni 1.3 sawa na asilimia 61.8.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.