Hadi sasa tayari Nchi 34 zaripoti virusi vya Zika.

Mkurugenzi mtendaji wa Shirika la Afya Duniani WHO Natela Menabde amesema, mpaka sasa, nchi 34 zimeripoti kesi za virusi vya Zika, hususan bara la Amerika na Caribbean.

Katika taarifa yake kwa Baraza la Uchumi na Jamii la Umoja wa Mataifa mjini New York, Menabde amesema Brazil imeripoti kesi zaidi ya elfu 4 za watoto waliozaliwa na vichwa vidogo, na mpaka sasa uchunguzi bado unaendelea kuhakiki kama wana maambukizi ya virusi hivyo. Kabla ya mlipuko wa virusi vya Zika, idadi ya watoto waliokuwa wakizaliwa na vichwa vidogo ilikuwa 163 kwa mwaka.

Baada ya kutokea kwa mlipuko wa Zika, WHO ilianza kutekeleza mkakati wa kimataifa kutoa mwongozo wa kukabiliana na kuenea kwa virusi hivyo, na ulemavu wa viungo na neva zinazosababishwa na virusi hivyo.

Wakati huohuo, mwakilishi wa Umoja wa Ulaya nchini Brazil Joao Gomes Cravinho amesema, Umoja huo utatoa dola za kimarekani milioni 10.7 kufadhili utafiti kuhusu virusi vya Zika.

Cravinho amesema hayo baada ya kukutana na waziri wa afya wa Brazil Marcelo Castro na mabalozi 24 wa nchi wanachama wa Umoja wa Ulaya mjini Rio de Jeneiro.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.