OSHA watakiwa kufuatilia kwa karibu maeneo ya wachimbaji wadogo.

Wakala wa usalama na afya mahala pa kazi OSHA wametakiwa kufuatilia kwa karibu maeneo ya wachimbaji wadogo ambao maisha yao yapo hatarini kutokana na kutozingatiwa kwa kanuni za usalama na afya na hivyo kuhatarisha maisha ya wachimbaji.

Mkoa wa Geita wakazi wake wamejikita katika uchimbaji ambapo baadhi ya Kampuni ndogo za uchimbaji zimekuwa zikiwatumikisha wafanyakazi wao kuchenjua dhahabu kwa kutumia sumu ya zebaki wakiwa hawana vifaa na usalama wao ni mdogo.

Bado kuna changamoto nyingi kwa wafanyakazi, ikiwemo kupata madhara kwa kutumia kemikali lakini hakuna hatua za makusudi zinazochukuliwa kwa waathirika waliopata madhara hayo.

Mtendaji Mkuu OSHA Akwilima Kayumba amesema Osha imetoa elimu kwa wachimbaji wadogo na wakubwa pamoja na wajasiriamali ili kila mmoja atimize wajibu wake mahala pa kazi ili kuleta tija katika uzalishaji.

Wadau wengi akiwemo Meneja Usalama Kasco Construction Balthazar Madaha wanaona kuna haja OSHA kufika maeneo ya uchimbaji ambapo ndio kuna maisha ya vijana na wanaozunguka maeneo hayo kuwa hatarini.

Mtendaji Mkuu OSHA Akwilima Kayumba amesema OSHA ina lengo la kuhakikisha usalama mahala pa kazi na na leseni ya osha inatolewa bure ikiwa umetimiza vigezo.

Hata hivyo Wafanyakazi wametakiwa kuwezeshwe kuunda matawi ya wafanyakazi na kupewe mafunzo juu ya usalama mahali pa kazi pamoja na kuwa na kamati za afya ambazo zitashiriki katika matumizi salama ya kemikali.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.