Sakata la upangaji matokeo katika michezo miwili kutua kamati ya nidhamu TFF

Kamati ya Uendeshaji na Usimamizi ya Ligi imemuelekeza Katibu Mkuu wa TFF SELESTINE MWESIGWA kupeleka suala la tuhuma za kupanga matokeo katika michezo miwili ya ligi daraja la kwanza baina ya KANEMBWA JKT dhidi ya GEITA GOLD SC na POLISI TABORA dhidi ya JKT OLJORO kwenye Kamati ya Nidhamu ya TFF kwa ajili ya uchunguzi na hatimaye kufanya uamuzi.

Kamati hiyo iliyokutana siku ya jumanne kuzungumzia suala hilo imefikia maamuzi hayo baada ya kupitia taarifa za michezo hiyo na vielelezo vingine na kupatwa na mashaka ya kuwepo kwa viashiria vya upangaji matokeo.

Kutokana na suala hilo kuhusisha masuala ya kinidhamu na kwa kuzingatia ibara ya 50 ya Katiba ya TFF na Ibara ya 69 ya Kanuni za Nidhamu za TFF, Kamati hiyo ya Saa 72 ikaamua kulipeleka suala hilo kwenye kamati husika ya nidhamu kwa ajili ya uchunguzi na hatimaye uamuzi.

Katika michezo hiyo JKT KANEMBWA ilifungwa mabao 8-0 na GEITA GOLD SC katika mechi iliyofanyika Uwanja wa Lake Tanganyika mjini Kigoma, wakati POLISI TABORA ilishinda mabao 7-0 dhidi ya JKT OLJORO kwenye Uwanja wa Ali Hassan Mwinyi mjini TABORA.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.